जयसिंगपूर (कोल्हापूर) : शहरातील एका कंपनीचा मोबाईल टॉवर थकबाकीसाठी पालिकेने शुक्रवारी सील केला. 1 लाख 39 हजार 501 रुपयांच्या थकबाकीसाठी पालिकेने ही कारवाई केली. पालिकेने वसुली मोहीम मुदतीनंतर आणखीनच गतिमान केली. दरम्यान, आजपर्यंत पालिकेने 49 टक्के कर वसुलीचे उद्दिष्ट गाठले आहे. 

हेही वाचा - याठिकाणी हाेणार शिवसेनेत माेठया घडामोडी.... 
 

31 डिसेंबरअखेर थकबाकी भरण्याची मुदत होती. जानेवारीपासून दरमहा थकबाकीवर दोन टक्के दंड मिळकत धारकांना भरावा लागणार आहे. पालिकेच्या कर विभागाने सातत्याने थकबाकी जमा करण्याचे आवाहन मिळकत धारकांना केले होते; मात्र थकबाकी न भरलेल्या मिळकत धारकांची नळ कनेक्‍शन तोडण्याची कारवाई केली आहे. यातून साडेतीनशे नळ कनेक्‍शन तोडण्यात आली. 

हेही वाचा -अंत्यसंस्काराची तयारी झाली अन् मृत घोषित महिला उठून बसली... 

 साडेतीनशे नळ कनेक्‍शन बंद
शहरातील मोठ्या थकबाकीदारांवरही कारवाई केली जात आहे. शंभर टक्के वसुलीचे उद्दिष्ट ठेवले आहे. पाच पथकांच्या माध्यमातून चाळीस अधिकारी आणि कर्मचारी वसुली मोहिमेत सहभागी झाले होते. मुख्याधिकारी टिना गवळी यांच्या मार्गदर्शनाखाली उपमुख्याधिकारी पवन म्हेत्रे, कर निरीक्षक प्रफुल्लकुमार वनखंडे, सहायक कर निरीक्षक प्रशांत तराळ, रमेश कांबळे, विशाल कांबळे, स्वप्निल भोसले, शिवाजी कांबळे, सचिन कांबळे, कुमार कांबळे, भरत सिद्धगणेश, सिद्धू मंटाळे, सचिन कुरणे आदी वसुली मोहिमेत सहभागी झाले होते.

 जादा दोन टक्के दंड आकारणार
जानेवारीपासून थकबाकीच्या दोन टक्के दंड मिळकतधारकांना भरावा लागणार आहे. दंड टाळण्यासाठी थकबाकीदारांनी लवकरात लवकर थकबाकी जमा करून सहकार्य करावे. 
-प्रशांत तराळ, सहायक कर निरीक्षक